Зүүн бүсийн мини сагсан бөмбөгийн тэмцээн

      

 Гурвансайхан суманд болсон зүүн бүсийн мини сагсан бөмбөгийн тэмцээнд биеийн тамирын багш А.Отгонбаатарын удирдсан эрэгтэй эмэгтэй 2 баг оролцож, 2 баг 3-р эзэлж, 
                     багийн дүнгээр 3-р байранд орсон амжилтыг гаргасан.

Жудо бөхийн 2018 аймгийн өсвөр үеийн аварга

      Жудо бөхийн  2018 аймгийн өсвөр  үеийн аварга шалгаруулах 03 сарыэ 09-11 нд хооронд болсон тэмцээнд багш Д.Цэндсүрэнгийн удирдан оролцож

                      21 суралцагч оролцож,  тэргүүн байр-3,  дэд байр – 3, гутгаар байр-4 эзэлж багаараа хүрэл медаль авсан  амжилтыг гаргасан.

“ИЖИЙ ЕРТӨНЦ-2018”

  С.Буяннэмэхийн нэрэмжит Төв номын сангаас зохион байгуулсан “ЭЭЖДЭЭ ЗАХИДАЛ БИЧЭЭРЭЙ” уралдаанд ЕБ-ын Хүмүүнлэг сургуулийн 9б ангийн суралцагч Ч.Лхамсүрэн дэд байр, “ИЖИЙ ЕРТӨНЦ-2018” яруу найргийн уралдаанд сургуулийн нийгмийн ажилтан Н.Мөнхцэцэг “Дэрэнгийн хүүхнүүд” шүлэг, 10а ангийн суралцагч Э.Цэрэнжаргал “Ижий ертөнц” шүлгээр 2-р шатанд шалгарсан амжилтыг гаргалаа.

ИЖИЙ ЕРТӨНЦ

   Хайр асгарсан энгэрт тань наалдан жаргая

   Халамж ундраасан сэтгэлд тань сүсэглэн залбиръя

   Бурхан мэхийм өлмийд тань сөхрөн адислагдъя

   Буурал үстэй шүтээн таньдаа сөгдөн мөргөе

Таны анхилуухан үнэрти одод мансуурч түгдэг

Таны ялдамхан аальнд наран талимаарч мишээдэг

Таны яруухан дуунд саран уярч мэлмэрдэг

Таны дулаахан өвөрт би жаргаж найрсдаг

“Тэнгэр ижий минь”...

  Өнчин дэрэн дээр зүүд аргамжиж

 Өрлөг ижий минь гунигаа нимгэлж суугаа

  Нурсан балгас шиг сэтгэлийн шархаа надаас нуун

  Нүгэл буяны хорвоог элгэндээ наан тэнцүүлж суугаа

Таны уяхан сэтгэлд шувууд ганганан чуулдаг

Таны уужим ухаанд цэцэгс алаглан дэлбээлдэг

Таны уянгалаг хоолойд хөгжмийн айзам эгшиглэдэг

Таны халуухан хайранд би уусан шингэдэг

“Бурхан ижий минь”...

   Нарыг аргамжсан сэтгэлд тань

   Сарыг хослуулж мандаая

   Намайг бүтээсэн хайранд тань

   Сайхан бүхнээ зориулан сөгдөе.

“Ижии ертөнц минь”...

Сайнцагаан сумын ЕБ-ын Хүмүүнлэг сургуулийн

10а ангийн суралцагч Э.Цэрэнжаргал

 

“Автобус дүүрэн амжилт”

2017-2018 оны хичээлийн жилд Дэлхийн Зөн ОНХХ-тэй хамтран зохион байгуулсан “Оролцоод хөгжье” сургалтыг ЭДЦС, тус сургуулийн 50 суралцагч хамрагдаж, “Автобус дүүрэн амжилт” төгсөлтийн баяраа тэмдэглэж, аймгийн Засаг дарга, Сумын ИТХ-ын дарга, БСУГ-ын дарга нартай 2018 оны 03 сарын 15 нд уулзалт хийж,  С.Буяннэмэхийн нэрэмжит номын сан , ХГБЗХГ-ын үйл ажиллагаатай танилцаж, аймгийн номын сангийн захирал Ц.Одончимэг  50 суралцагчдад бүтэн жил ном сангаар үйлчлүүлэх эрхийн бичиг гардуулав.